رجعت البيت بقلم مرفت السيد
حتى لا تجلبه هي وتوطي ودة غلط طبعا البنت شكرته وراحت لاصحابها وفضلو يبصو عليه باعجاب ويتهامسو ويبصو على ليلة ويضحكو
ليلة اخدت بالها قامت وقالتله ثواني و راجعه
وراحت قعدت معاهم عالترابيزة وبعد مااتكلمت معاهم شوية قامت ومسكت كوباية عصير كان الي عالترابيزة وشربت شفطة وقالت بصوت عالي لا حلو دة ودلقته على دماغ واحدة منهم وقالتلها عرفتي اقدر اعمل ايه ياحيلتها مش انا الي شلة هاتيني لاقيتي خديني جبيني زيكم تاكل معايا كتكم نيلة الي مافيكم واحدة عدلة وعلت صوتها كله صناعي ياعالم
ورجعت قعدت معاه بكل هدوءوهي بتبتسم البنات قامو متنرفزين وخرجو وهما بيبصولها قالتلهم الفهولكم تاخدوه معاكم يابت خدي هنا ياكسر النسوان خدي يابت
كان بيحاول يداري ضحكته والمطعم كان كله بيضحك
امال ليه
عشان ماتخلقتش الي تغيظني وتكيدني متفكرش انك تامر حسني ولااحمد عز ولا مقيش منك اتنين وانك اخر قطعة
ياللا قوم روحني ولاهنبات هناوخرجت وسابته
ووقفت تستناه عند العربية كان في حالة ذهول
بس هو اتعود على تلقائيتها وردودها العفوية
فتحلها باب العربية وانطلق بيها يوصلها وقبل ماتنزل قالتله بقولك ياولا انت ابوك عارف بانك عاوز تتجوزني
طيب انا نازلة بقى
تصبحي على خير
بس كدة
عاوزة إيه
حركات من الي بشوفها عالنت كدة حاجة كدة تخليني اوافق وش
اوعدك هافكر بأجن حركة تعجبك
اشطة عليك باي
باي
اطمئن حتى صعدت الى شقتها وانصرف
اما ليلة فصعدت الى شقتها ودخلت غرفتها وهي تشعر بالسعادة
بعد قليل طرقت نجوى الباب فتحت لها
احكيلي حصل ايه
انتي عيلة ندلة
والله ابدا اني تعبانة مش حمل خدمتهم وحبيت اخلي الجو ليكم قوليلي بقى حصل حاجة
حصل ياختي
اييه اوعي تكوني قتل تيه
تصدقي بافكر
لا بجد
بقلم مرفت السيد
هاتيلي حاجة حلوة
جريت نجوى وجابنلها رز بلبن
يااروبة عارفة نقطة ضعفي
هااا
طلبني للجواز
ايه بجد
الموز طلع بيحبني
ووافقتي طبعا
ليه يعني هو انا واقعة شبهك لا قولتله هافكر
يامجنونة هو دة ينفع معاه تفكير دة لقطة
ششششش انا لازم اعمل زي بتوع الافلام كدة واقول ربنا يقدم الي فيه الخير ويجيلي ابوه ويقولي مش من مستوانا ويعرض عليا فلوس وارميها قي وشه واقوله والله لو كنوز الدنيا ياباشا ابنك اغلى يقوم قا تل ابنه ويطلعلي لسانه وكدة
اتخمدي بقى ورانا شغل عاوزة اروح اشوف الدكتور عشان الجبس دة زهقت منه
ماشي نروح بكرة ياعروسة
عرسة تقورمك من ودانك اتخمدي ياولية
مر اليوم بالمصنع بهدوء ماعدا ان سامح كان يراقبها من الاعلى بهدوء وانصرف مبكرا ولاحظت عي ذلك ولكنها لم تهتم
وكانت نجوى تتصرف بغرابة وتتلقى مكالمات هانفية وترد بصوت خاڤت او تبتعد عن ليلة حتى لاتسمعها وانصرفت مبكرا هي الاخرى بدون ابداء اسباب مما جعلها تتساءل ماذا يحدث بين سامح ونجوى شردت قليلا على غير عادتها ولكنها بثواني تناست الامرحين تشاجرت عاملتان وتدخلت هي وخصمت لكل منهما يوم بكل حزم
وبنهاية اليوم اتى والد سامح وطلب الاجتماع بليلة
ثم قال لها سامح طبعا فاتحك بالجواز
اه وانا لسة بافكر
لو وافقتي عاوزك تفهمي انه مغرور وعنجعي طول عمره وانا مش هالاقي احسن منك عشان علمه الادب انتي زي بنتي وربنا يعلم باحبك واعزك ازاي
ربنا يخليك ياحاج انت غالي عليا واتطمن لو هاوافق انا بطبيعتي مبسمحش لاي مخلوق يشوف نفسه علياحتى لو كنت انت
ضحك وقال مانا عارف
بالاذن انا بقى وابقى فكر كدة اتجوزك انا اسهل وافضل اغنيلك مخدش العجوز انا وسابتع زنشيت قبل ماتستنى الرد
قعد مكانه ومسك قلبه من الضحك
طول الطريق للبيت وهي مشغولة بنجوى وسامح فونها رن برقم نجوى ردت عليها انتي لسة فاكره
معلش هافهمك بعدين انتي فين
بتسألي ليه
اصلي عاوزاكي تشتريلي حاجة معاكي وانتي جاية
مش خدامة ابوكي انا ياام اسرار
وقفلت بوشها واغلقت هاتفها
لقيت نجوى واهلها والجيران و سامح
اول ماشافوني صړخو مفاجأة
كانت مفاجأة فعلا بصيت حوالياالسطح كان متعلق عليه يافطة كبيرة مكتوب عليها كل سنة وانتي طيبة
بحبك يامجنونة
تتجوزيني
وزينة وبلالين وحلويات وتورتة عليها صورتي ودي چي
ايه دة دة فعلا عيد ميلادي النهارده انا نسيت
وهو واقف مبتسم ولما شافني ابتسمت قرب مني وقالي
يارب اكون عملت الي بدماغك
بصراحة اكتر انت بالغت احنا بفيلم بس حلو مفيش ابتكار بس حلو برضه
طب الحمد لله المهم نهاية الفيلم انتي هاتكتبيها
مش فاهمه
نزل على ركبته ومسك خاتم وقالي احلى مچنونة تتجوزيني
موافقة
بجد موافقه وبص للموجودين وقال بصوت عالي وافقت ياجماعة
ولبسني الخاتم وقبل يدي
غمضت عنيا وفتحتها لقيته امر واقع
نجوى جريت عليا حضنتني هي وامها والكل كان بيهنيني وبعد شوية وصل والده واخوه ووالدته واتعملي خطوبة مفاجأة بكل المقاييس وغير متوقعة واشتغل الدي جي ورقصنا وفرحنا
عدت الايام بسرعة ووصلنا ليوم الزفاف شقته كانت بعمارة اهله امام الفيللا بتاعتهم والفرح قرىنا نعمله بالفيللا نظرا لتصميم ابوه
ويوم الفرح الصبح جه اصطحبني لبيتهم بغرفة خصصوها ليا عشان الميكب ارتيست والكوافير نجوى كانت معايا طبعا
والميكب ارتيست بتشتغل باب الغرفة خبط نجوى فتحت لقيت واحدة عاوزة تشوفني وبتقول انها من قرايب العريس
سمحتلها تدخل سلمت عليا وقالتلي معلش اضطريت اقول اني قريبة سامح بس بالحقيقة انا ابقى طليقته
بصتلها بدون اهتمام وقولتلها وطبعا جاية تشوفي عروسته الجديدة شكلها إيه واظن واضح اني احلى منك
برقت وقالتلي لا انا جاية
احذرك
ياحلوة لأ ماانتي متعرفنيش وفري هبلك واطلعي برة ياولية يامطلقة انتي
استني بس هاقولك
نجوى خلاص اطلعي برة مش عاوزين نعرف
اتجهت للباب بيأس وقالت وهي تغادر انتي حرة بس الظاهر انك متستحقيش النصيحة وتستاهلي الي هايحصلك وعلى فكرة ذوقه بقى وحش او
قاطعها صوت الجزمه وهي بتلبس في وشها
وليلةجريت عليها وهي لابسة الروب الستان بتاع العرايس وشعرها ملفوف وحافية
حاولت تهرب بس ليلة حدفتها بفردة الجزمة التانيه على دماغها فوقعت
ليلة قعدت فوقيها وكل العيلة طلعو يجرو على الصړاخ
بقلم مرفت السيد
صړاخ طليقة سامح وليلة بتكيل لها وهي بتحمي وشها بايدها وليلة بتعضهاوبتقول قصدك ذوقه اتحسن وبتشدها من شعرها طلعت باروكة قالت وكمان قىرعة وجاية بقلب جامد مفكرة هاتخوفيني دة انا اخوف بلد
سامح بعدها بالعافية وقال لطليقته انتي بتعملي ايه هنا ياسها
ابوه انتي ډخلتي ازاي اصلا
نجوى حكتلهم الي حصل
الام قالتلها جاية تبوظي الفرح تعالى ياعلاء وصلها برة
كانت سها تبكي وحالتها يرثى لها
نظر سامح الى ليلة فوجدها تأكل من صينية مليئة بالشيكولاته
فاڼفجر ضاحكا على تصرفاتها وشكلها وهي تأكل بعد ثواني من ضربها لطليقته
نظرت له وهو يضحك وحدفته بشيكولاته وقالتله انزل تحت ياض دة فال وحش انك تشوفني
قالها وهو يغادر حاضر
قالتله وهي تدخل الغرفة ابعتلي اكل انا جعانة ياموحة
ضحك وقالها عنيا ياوحش
نزل لقى علاء فطسان من الضحك وبيقوله انت وقعت وقعة عسسسسسل
فقذفه بمخدة وحلس يضحك معه
وبالاعلى وبعد مرور اكثرمن ساعتين كانت ليلة على وشك الانتهاء
دمعت نجوى وهي تتأمل جمالها وقالت بسم الله ماشاء الله
ليلة عقبالك ياقلبي
طرقت الباب ام سامح وبعض نساء العائلة واللواتي ابدين اعجابهن بالعروس
قالت ام سامح وهي تتأمل ليلة بسم الله ماشاء
